Ужо за гэты час маладыя асіпаўчанкі зарэкамендавалі сябе добрымі спецыялістамі. Прывабныя дзяўчаты не толькі сваім знешнім воблікам, але і імкненнем развівацца ў прафесіі і адданасці свайму роднаму гораду — для працаўладкавання выбралі менавіта малую радзіму.

Спачатку яны атрымалі спецыяльнасць “цеставод, цестараздзелачнік” у Гомельскім прафесійным ліцэі чыгуначнага транспарту, а зараз завочна  асвойваюць вытворчасць хлебабулачных, макаронных і кандытарскіх вырабаў і харчовых канцэнтратаў у Маладзечанскім дзяржаўным політэхнічным каледжы. Сёстры ўжо маюць вопыт работы ў кандытарскім цэху завода, а цяпер працуюць паралельна цестараздзелачнікамі і пекарамі. Вядомы факт: менавіта спалучэнне тэарэтычных ведаў з практыкай дае найлепшы вынік. Хутка дзяўчаты стануць сапраўднымі ўніверсаламі сваёй справы. А гэта якасць мае асаблівую каштоўнасць.

Чым зацікавіла Алесю і Насцю прафесія? Сваёй запатрабаванасцю, шматграннасцю, магчымасцю самарэалізавацца. А дружны завадскі калектыў, дзе да блізнят адносяцца з асаблівай цеплынёй, стаў прыемным бонусам.