Коратка
![Коратка](https://osipovichi-region.by/wp-content/uploads/2020/05/images.png)
Натарыусы будуць кансультаваць бясплатна 2 ліпеня ў межах дабрачыннай акцыі, прымеркаванай да святкавання Дня Незалежнасці Рэспублікі Беларусь і 80-годдзя вызвалення Беларусі ад нямецка-фашысцкіх захопнікаў.
Асіповіцкая дыстанцыя сігналізацыі і сувязі аснашчана сучасным абсталяваннем, якое забяспечвае высокую бяспеку руху. Зараз эксплуатацыйная даўжыня дыстанцыі складае 512 км. Гэта ўчасткі чыгункі Асіповічы-Жлобін, Асіповічы-Мінск, Асіповічы-Магілёў, Асіповічы-Слуцк, Бабруйск-Рабкор, Верайцы-Градзянка, Слуцк-Салігорск, Калій-4. 84 км пуцей, што знаходзяцца на абслугоўванні, абсталяваны аўтаматычнай, 416 км — паўаўтаматычнай блакіроўкай.
24 творчыя калектывы са званнем і найменнем налічваецца на Асіповіччыне. Два з іх маюць званне заслужанага. Дзесяць калектываў — дзіцячыя, адзін — падлеткавы і маладзёжны.
119 зваротаў грамадзян паступіла ў райвыканкам за пяць месяцаў бягучага года.
Да оптавалаконнай сувязі падключана больш за 16 600 абанентаў. Да 2025 года Асіповіцкі ЗВЭС Магілёўскага філіяла РУП “Белтэлекам” плануе ахапіць “оптыкай” увесь горад. Дзякуючы такому перападключэнню ў абанентаў ёсць магчымасць устанавіць камеры відэаназірання ў асабістым жыллі. Дарэчы, такая паслуга выконваецца пад ключ.
806 500 паездак у гарадскіх аўтобусах аўтапарка № 19 у мінулым годзе здзейснілі пасажыры, якія маюць права на бясплатны праезд; у аўтобусах прыгарадных зносін — 8 833 паездкі. 61 395 разоў скарысталіся землякі 50-працэнтнай зніжкай.