Супрацоўнікамі АДАІ РАУС з 1 па  7 ліпеня папярэджана 166 правапарушэнняў. Адміністрацыйную адказнасць панеслі ў тым ліку нецвярозы за рулём; тры вадзіцелі, якія не прадаставілі перавагу ў руху пешаходам; 11 парушальнікаў правіл перавозкі дзяцей у аўтатранспарце, адзін — пераезду чыгункі; 25 пешаходаў і веласіпедыстаў. Зарэгістравана два дарожна-транспартныя здарэнні.

Дзяржаўтаінспекцыя ў мэтах выхавання ў удзельнікаў дарожнага руху пачуцця неабходнасці бяспечных паводзін на дарозе праводзіць комплекс прафілактычных мерапрыемстваў.

РАНС паведаміў: 7 чысла здарыўся пажар у надворнай пабудове на вул. Рэвалюцыйнай у аг. Вязаўніца. Агнём знішчаны хлеў, у размешчаным побач доме пашкоджана шкленне. Прычына ўзгарання высвятляецца.

МНС нагадвае: знаходзячыся на пляжы, не выпускайце з поля зроку сваё дзіця; не дапускайце дзіцячых свавольстваў на вадзе; катэгарычна забараніце дзецям падаваць ілжывыя сігналы бедства.

Аддзелам Дэпартамента аховы выяўлены дзве асобы, якія парушылі ПДР.

ІАЖіРС складзена па два адміністрацыйныя пратаколы за парушэнне правіл рыбалкі і захоўванне забароненых прылад лоўлі.