— Муж працуе, але ўсё заробленае прапівае, не аказвае дзецям ніякай матэрыяльнай дапамогі. Ці можна прымусіць яго выдзяляць грошы на ўтрыманне трох сыноў? Яна У.

Старшы лейтэнант міліцыі Генадзь Дастанка:

— Звяртайцеся ў РАУС або да ўчастковага інспектара міліцыі. Пасля аналізу ўсіх довадаў вам прапануюць напісаць заяву аб абмежаванні мужа ў дзеяздольнасці. Калі такі варыянт вас задаволіць, пасля правядзення праверкі мужчыну, які ставіць сям’ю ў цяжкае матэрыяльнае становішча, абмяжуюць у дзеяздольнасці і па рашэнні суда ўсімі яго заробкамі распараджацца будзеце вы.