Больш за 12 тысяч вёсак Беларусі разам з жыхарамі былі знішчаны фашыстамі падчас Вялікай Айчыннай вайны

Час ідзе, а горыч балючай страты застаецца ў сэрцах. Як напамін: беражыце мір!

Напярэдадні Дня памяці спаленых вёсак наведвальнікі гуртка “Юныя экскурсаводы” гімназісты Ульяна Рэвутава і Паліна Кірдун расказалі чатырохкласнікам пра вёску Бортнае, макет якой зрабілі ва ўстанове некалькі гадоў таму. Зараз ён захоўваецца ў музеі гімназіі.

Падчас экскурсій дзеці маюць магчымасць убачыць Бортнае яшчэ жывым. Адметна, што работа над макетам працягваецца: яго не толькі адрэстаўравалі, але і дапрацавалі. Даданыя дробныя дэталі надалі макету яшчэ большай эмацыянальнай выразнасці. Гісторыя працягвае жыць.