У панядзелак пачаўся Вялікі пост. Гэта асаблівы перыяд духоўнага ачышчэння, малітвы, пакаяння, міласэрнасці, які рыхтуе да галоўнага хрысціянскага свята — Вялікадня.

Вялікі пост даволі строгі. Тым не менш ёсць шэраг прадуктаў, якія дазваляецца есці і ў гэтыя дні. Да іх адносяцца садавіна, агародніна, крупы, бабовыя, арэхі, сухафрукты, мёд, саленні.

Многіх цікавіць пытанне, ці дазволена выкарыстоўваць хлеб для харчавання ў гэтыя дні.

Аказваецца, можна, калі выбраць гатунак, які не ўтрымлівае забароненых інгрэдыентаў. Свяшчэннікі лічаць, што хлеб у пост — аснова рацыёну, дзякуючы яму арганізм хутка насычаецца. Нават пры манастырах ёсць свае пякарні. “Калі хлеб у возе, то няма бяды ў дарозе”, — сцвярджае і народная мудрасць.

Асіповіцкі хлебазавод прапаноўвае спажыўцам шырокі асартымент хлебабулачных вырабаў на любы густ. Паклапаціліся мясцовыя хлебапёкі і пра веруючых. Пазнаёміўшыся з рэцэптурай прыгатавання, мы выбралі гатункі, у склад якіх не ўваходзяць яйкі, малочныя прадукты, сметанковае масла. А асноўнымі інгрэдыентамі з’яўляюцца мука (ржаная, пшанічная, зерневая), вада, соль, дрожжы ці закваска, у некаторых відах — семя, вотруб’е, сухафрукты, арэхі. Усе гэтыя прадукты дапушчальныя для харчавання ў пост.

Жадаючым атрымаць посны хлеб раім звярнуць увагу на наступныя гатункі хлеба: «Крестьянский» соладавы, «Смак жытнi», «Бородинский любимый», «Панскi», «Осиповичский» асобы, «Рудавский» хмелевы, «Елизовский успех», «Славянский простор» апетытны, «Прыгажосць» дыетычны новы, хлябец з семем ільну, пірог «Маковый соблазн».

Таму замест таго, каб шукаць патрэбны хлеб сярод прадукцыі іншых прадпрыемстваў, лепш вывучыць асартымент мясцовага хлебазавода. Бо, як сцвярджае прыказка, няма лепшай вадзіцы, як з роднай крыніцы. 

Инна Заскевич