Анна Тур о праздновании Дня народного единства

Меркаванне

17 верасня краіна адзначае новае, але са старымі каранямі свята. Што яно азначае для насельнікаў Асіповіччыны?

Пацікавіліся ў ганаровых грамадзян раёна.

Ганна Тур:

— Адзінства — гэта яднанне думак, планаў, душ і сэрцаў. У прымяненні да народа — гэта набыццё агульных мэт, ідэалаў, памкненняў, высілкаў для дастойнага жыцця грамадства, клопат не толькі пра ўласны дабрабыт, але і жыццё блізкіх, суседзяў, калег, землякоў. Уменне прыкмячаць недахопы і ўносіць уласны ўклад у іх выпраўленне. Не трэба чакаць даброт ад кагосьці, лепш разам рашаць пытанні, якія наспелі.

Мне блізкая пазіцыя мірнага існавання ўсіх народаў, асабліва тых, з якімі гістарычна жылі ў міры ды згодзе, сумесна ладзілі годнае жыццё, падтрымлівалі адзін аднаго ў няпростыя часы, будавалі гарады, расцілі хлеб, стваралі магутныя прадпрыемствы, развівалі новыя тэхналогіі.

Адзінства — гэта яшчэ і вера. Прыманне людзей з рознымі веравызнаннямі, павага да іх, а таксама вера ў лепшае. Упэўнена, што будучыня нашага народа будзе самай цудоўнай!