Традыцыйная грамадская акцыя па аднаўленні беларускіх лясоў пройдзе з 11 па 31 кастрычніка. Сёлета яна прымеркавана да Года добраўпарадкавання.

Сімвалічна, што якраз год назад 11 кастрычніка першы этап акцыі “Дай лесу новае жыццё!” адкрыў асабіста Прэзідэнт краіны. Гэта кампанія праводзілася ўжо двойчы.

Як паведамілі ў Асіповіцкім доследным лясгасе, падчас акцыі запланавана задзейнічаць 13 аб’ектаў, стварыць восем га лясных культур і 30 га папоўніць насаджэннямі. На гэтыя справы будзе выкарыстана 70 тысяч саджанцаў хвоі і бярозы. Усе яны вырашчаны ў гадавальніку Асіповіцкага доследнага лясгаса.

Жадаеце зрабіць свой унёсак у аднаўленне роднай прыроды? Тэлефануйце па нумары 51-807.