Адметным стаў сённяшні дзень для нашых зямлячак Ганны Гурскай і Аксаны Каваленка: ва ўрачыстай абстаноўцы старшыня райвыканкама Канстанцін Жыгуцкі ўручыў жанчынам высокую дзяржаўную ўзнагароду — ордэн Маці.
148 30 декабря 2022 17:53
Абедзве матулі зараз знаходзяцца ў дэкрэтным водпуску, адна і другая выхоўваюць па пяцёра дзяцей. Ганна — хатняя гаспадыня з Жорнаўкі, Аксана — аператар машыннага даення, жыве і працуе ў Копчы.
Як мяркуюць матулі, такая падзея напярэдадні Новага года ў пэўным сэнсе сімвалічная. Гэта значыць, што і ў далейшым усё будзе складвацца найлепшым чынам, ёсць упэўненасць у надзейным заўтрашнім дні. А ўвага дзяржавы да сям’і, безумоўна, важны і прыемны аспект.
