Адказвае ўчастковы інспектар міліцыі

— На вуліцы ляжыць чалавек і не варушыцца. Незразумела: ці то моцна п’яны, ці то яму стала дрэнна. Куды варта звяртацца ў такім выпадку? І ці не будзе лічыцца мой зварот ілжывым, калі гэты чалавек да прыбыцця выкліканых службаў устане і сыдзе?

Дзмітрый С.

Адказвае ўчастковы інспектар Сяргей Белякоў:

— Адразу звяртайцеся ў міліцыю па тэлефоне 102. Калі асоба грамадзяніна будзе ўстаноўлена і пацверджаны факт яго знаходжання ў стане алкагольнага ап’янення, то за з’яўленне ў нецвярозым стане ў грамадскім месцы складуць адміністрацыйны пратакол па артыкуле 19.3 КаАП краіны.

Калі ж грамадзянін да прыезду супрацоўнікаў РАУС сыдзе, то да таго, хто ажыццявіў выклік, ніякіх мер не прымаецца ў сувязі з адсутнасцю ў яго дзеяннях намеру на лжывы выклік.