Нарадзіўся ў 1989 годзе ў Магілёве. Скончыў Магілёўскі дзяржаўны ўніверсітэт імя А.А. Куляшова па спецыяльнасці “гісторыя (археалогія)”. Працаваў намеснікам дырэктара па выхаваўчай рабоце ДУА “Асінаўскі вучэбна-педагагічны комплекс дзіцячы сад-сярэдняя школа”, першым сакратаром Чавускага раённага камітэта ГА БРСМ, галоўным спецыялістам аддзела ідэалагічнай работы, культуры і па справах моладзі Чавускага райвыканкама.

На Асіповіччыне кар’ера Арцёма Аляксандравіча пачалася ў 2017 годзе з пасады галоўнага спецыяліста аддзела па адукацыі райвыканкама. Праз два гады стаў намеснікам начальніка аддзела ідэалагічнай работы, культуры і па справах моладзі, пазней — загадчыкам сектара спорту і турызму. Апошні час працаваў рэдактарам аддзела футбола ТАА “Прессбол-91”.

Да абавязкаў дырэктара сярэдняй школы № 3 прыступіць 1 верасня.