Учора ў абласным цэнтры прайшла канферэнцыя, прысвечаная рэалізацыі Стратэгіі ўстойлівага развіцця Магілёўскай вобласці на перыяд да 2035 года. У яе рабоце прынялі ўдзел прадстаўнікі ўсіх раёнаў Прыдняпроўскага краю.

Канферэнцыя стала пляцоўкай для прэзентацыі праектаў, рэалізаваных у сферы сацыяльнага прадпрымальніцтва і карпаратыўнай сацыяльнай адказнасці, там жа аналізаваўся назапашаны вопыт, у тым ліку для распаўсюджання на тэрыторыі Магілёўшчыны.

У завяршальнай частцы прайшло ўзнагароджанне пераможцаў абласнога конкурсу лепшых практык па рэалізацыі Стратэгіі ўстойлівага развіцця Магілёўскай вобласці на перыяд да 2035 года. Прыемна, што асіповіцкая СШ № 3 з праектам “Зялёная школа” стала фіналістам конкурсу і атрымала Дыплом лаўрэата ў намінацыі “За значны ўнёсак у рэалізацыю СУР-2035”.