Стварэнне гарадскіх муралаў* — адметная “фішка” апошняга часу. Прыемна, што папулярны яны не толькі ў сталіцы, але і звычайных райцэнтрах. Асіповічы таксама далучыліся да гэтага арт-руху: землякі даўно заўважылі шыкоўныя малюнкі на дамах па вул. Сумчанкі. А на мінулым тыдні змяніўся знешні выгляд і адной з устаноў адукацыі.

Так званы новы будынак СШ № 3 упрыгожылі муралам студэнткі архітэктурнага факультэта Беларускага нацыянальнага тэхнічнага ўніверсітэта. Цяпер на вуліцу Кастрычніцкую “паглядаюць” горы, якія накіроўваецца заваёўваць чалавек. Ніжэй дэвіз: “Покори свою вершину!”.

— Калі да нас на факультэт паступіла прапанова дапамагчы ў аднаўленні знешняга вы-гляду школы, мне адразу прапанавалі па-ўдзельнічаць, бо ўжо маю падобны вопыт, — расказвае 5-курсніца Ганна Зенько. — Разам з дэканам Арменам Сардаравым са-бралі каманду лепшых студэнтаў, у асноўным 3 курса, якія таксама ўжо ўдзельнічалі ў падобных праектах. Адразу пазнаёміліся з полем дзейнасці, вызначыліся з тэматыкай і непасрэдна малюнкам — аўтарам апошняга стала Марыя Анкудовіч. Склалі каштарыс: працавалі мы бясплатна, але расходныя матэрыялы прадаставіла школа. Жылі і харчаваліся таксама ў ёй, а ўсе арганізацыйныя пытанні, якія ўзнікалі, дапамагала вырашаць настаўнік хіміі Святлана Зайцава.

Праца цалкам заняла ў нас 6 дзён: імкнуліся не затрымлівацца з-за складанай эпідэ-міялагічнай сітуацыі. Давялося маляваць і ноччу: правільна нанесці абрысы дапамагаў мультымедыйны праектар. Спадзяюся, асіпаўчанам і асабліва вучням школы спадабаўся наш мурал. Ён не толькі мае экалагічны змест, але яшчэ і матывуе пераадольваць жыццёвыя цяжкасці.

*Мурал — маштабны малюнак на сцяне будынка.