Традыцыйная жнівеньская педканферэнцыя прайшла сёння ў Асіповічах

Сёння педагогі раёна правялі традыцыйную жнівеньскую канферэнцыю, якая ўяўляе сабой своеасаблівы педагагічны савет. Гэта сустрэча — выдатная магчымасць абмеркаваць актуальныя праблемы, прааналізаваць і вызначыць шляхі іх вырашэння, а таксама намеціць перспектывы далейшага развіцця сістэмы адукацыі раёна.

У рамках мерапрыемства былі падведзены вынікі мінулага навучальнага года і акрэслены прыярытэтныя мэты і задачы на новы.  У канферэнцыі прынялі ўдзел старшыня раённага Савета дэпутатаў Сяргей Сувееў, намеснік старшыні райвыканкама Ганна Землянухіна, начальнік аддзела па адукацыі Ірына Сяргейчык, старшыня райарганізацыі галіновага прафсаюза Алена Кулакоўская, а таксама кіраўнікі, лепшыя педагогі і выхавальнікі ўстаноў адукацыі Асіповіччыны.

Фота Ніны Царык.