Нарадзілася ў 1977 годзе ў Дрычыне. Пасля дзевяці класаў паступіла ў Магілёўскі абласны ліцэй № 1, замацаваны за Магілёўскім дзяржінстытутам імя А.А. Куляшова. ВНУ скончыла ў 1999 годзе па спецыяльнасці “беларуская мова і літаратура”.

З 1999 па 2003 год працавала настаўнікам беларускай мовы і літаратуры ў Вяззеўскай школе. Затым уладкавалася па спецыяльнасці ў Осаўскі ВПК. У 2008 годзе заняла пасаду намесніка дырэктара па вучэбна-выхаваўчай рабоце Осаўскай базавай школы.

Педагог упэўнена: нават у маленькай установе адукацыі можна выхаваць дастойнага грамадзяніна краіны, які будзе валодаць глыбокімі ведамі, мець трывалыю жыццёвую пазіцыю.

Разам з мужам выхавалі дваіх дзяцей. Сын пасля заканчэння інстытута тэалогіі БДУ выбраў для сябе духоўны шлях. Дачка сёлета скончыла Беларускі дзяржаўны медкаледж і нядаўна прыступіла да работы ў адной з аптэк нашага горада.