Што робіць яе асаблівай?

— Сакрэт поспеху — у сістэмным падыходзе, адзінстве мэты і інтэграцыі навучання, творчасці, спорту і камфортнай псіхалагічнай атмасферы, — кажа дырэктар СШ № 4 Святлана Сувеева. — Нашы педагогі бачаць перспектывы развіцця адукацыі ў інтарэсах грамадства і эканомікі краіны, смела рэалізуюць ініцыятывы. Напрыклад, наша школа эфектыўна  далучае навучэнцаў да робататэхнікі, што пацвярджаецца шматлікімі ўзнагародамі юных канструктараў.

Сёння мы ўдзяляем увагу вывучэнню кітайскай мовы. Ужо сфарміраваны групы дзяцей, а для настаўніка замежнай мовы Ганны Пяровай арганізавана практыка ў КНР.

Навучэнцы вынікова ўдзельнічаюць у алімпіядным руху, разнастайных конкурсах. У 2024/2025 навучальным годзе рабяты атрымалі дыпломы II і III ступеняў трэцяга этапа рэспубліканскай алімпіяды па рускай мове і літаратуры, матэматыцы, працоўным навучанні, Дыплом рэспубліканскага конкурсу работ даследчага характару, а таксама стобальны вынік на цэнтралізаваным экзамене па рускай мове. У мінулым годзе наш выпускнік без уступных іспытаў па рэкамендацыі наглядальнага савета ўстановы адукацыі “Нацыянальны дзіцячы тэхнапарк” быў залічаны ў Беларускі дзяржаўны ўніверсітэт інфарматыкі і радыёэлектронікі.

Лідарства школы ў галіне фізічнай культуры і здароўя дасягаецца дзякуючы шматгадовай працы ўсіх — ад кіраўніцтва да вучняў і бацькоў. Настаўнікі фізічнай культуры і здароўя рэгулярна павышаюць кваліфікацыю, вывучаюць новыя методыкі, сучасныя падыходы да трэніровак і ўдасканалення фізічных навыкаў навучэнцаў. Яны імкнуцца знайсці “свой” від актыўнасці для кожнага — ад прафесійнага спорту да аздараўленчых заняткаў.

Поспехі на спаборніцтвах — вынік масавага ўключэння дзяцей у фізкультуру і здаровы лад жыцця. Пацвярджэннем гэтага з’яўляюцца высокія дасягненні на спартыўных спаборніцтвах рознага ўзроўню: рабяты з’яўляюцца бясспрэчнымі лідарамі ў гандболе сярод юнакоў і дзяўчат на працягу шэрагу гадоў; пераможцамі і прызёрамі раённых спаборніцтваў па зімовым і летнім мнагабор’і “Абаронца Айчыны”; лідарамі лыжнага спорту; пераможцамі раённых спаборніцтваў па летнім мнагабор’і “Здароўе” і лёгкай атлетыцы.

Шмат увагі надаецца ахове працы і бяспецы. Мы няўхільна абнаўляем матэрыяльна-тэхнічную базу, набываем сучаснае траўмабяспечнае абсталяванне для спартыўнай залы і стадыёна, забяспечваем работнікаў сродкамі індывідуальнай аховы. Усе супрацоўнікі праходзяць абавязковыя інструктажы і курсавую перападрыхтоўку па ахове працы, першай дапамозе, пажарнай бяспецы.

Праводзяцца мерапрыемствы па зніжэнні псіхаэмацыянальнай нагрузкі педагогаў, паляпшэнні ўмоў працы. Мы фарміруем культуру паводзін, пры якой кожны супрацоўнік і вучань адчувае асабістую адказнасць за агульны вынік. Такім чынам, наш поспех — гэта  вынік планамернай працы згуртаванай і выдатна матываванай каманды, дзе цэняць здароўе, імкненне да развіцця і бяспекі кожнага.

Алена Суета