Ведай нашых!

Міністр адукацыі Ігар Карпенка ўручыў Падзяку нашай зямлячцы — настаўніцы музыкі, педагогу-арганізатару сярэдняй школы № 4 Алесі Букач як лепшаму кіраўніку раённага савета БРПА Магілёўскай вобласці. Урачыстае ўзнагароджанне адбылося падчас другога рэспубліканскага форуму лідараў БРПА “Піянерскія інавацыі”, які праходзіў 8-10 верасня ў Нацыянальным дзіцячым адукацыйна-аздараўленчым цэнтры “Зубраня”. Прысвечаны 30-годдзю з дня заснавання грамадскага аб’яднання “Беларуская рэспубліканская піянерская арганізацыя”, ён аб’яднаў 150 чалавек — лідараў і актывістаў БРПА з усіх рэгіёнаў краіны. Кожны дзень форуму праходзілі трэнінгі, спартыўныя спаборніцтвы, майстар-класы, лекцыі аб трэндавых методыках і тэхналогіях працы з дзецьмі і моладдзю.

— Наша раённае аб’яднанне налічвае каля 4 000 чалавек 7-14 гадоў, — распавядае Алеся Уладзіміраўна. — Арганізаваць такую колькасць рабят няпроста, але справа таго каштуе. Калектыўная праца дае вынікі, якімі можна ганарыцца. Напрыклад, сёлета мы занялі трэцяе месца ў вобласці ў рэспубліканскай акцыі “Зробім свет чысцейшым”.

Зразумела, з такім настроем і старшынёй раённае аб’яднанне БРПА возьме яшчэ не адну вышыню.