Осиповчанин Евгений Городецкий рассказывает о работе педагога

У нядзелю — Дзень настаўніка

“Імкнуўся ў родны горад”

Яўген Гарадзецкі навучае інфарматыцы прадвінутае інтэрнэт-пакаленне

Малады чалавек працуе настаўнікам інфарматыкі адразу ў дзвюх навучальных установах — гімназіі і сярэдняй школе № 4.

— Люблю наш невялікі ціхі горад, таму пасля атрымання дыплома БДУ імкнуўся менавіта ў Асіповічы, на малую радзіму, — расказвае Яўген Леанідавіч. — Сам вучыўся ў СШ № 1, заўсёды цягнуўся да матэматыкі і інфарматыкі. Зараз працую з дзецьмі, што вельмі падабаецца. Канечне, сучасныя школьнікі нядрэнна разбіраюцца ў тэлефонах і планшэтах, але ж камп’ютар — зусім іншая тэхніка. І калі да яго даходзіць справа, з’яўляюцца праблемы, бо, напры-клад, не ўсе ўмеюць карыстацца класічнай клавіятурай. На першы погляд, у век інфармацыйных тэхналогій не толькі старшакласнікі да-сведчаныя ў пытанні камп’ютараў, але і вучні малодшых класаў могуць расказаць амаль што пра любую новую электронную “фішку”. Аднак на справе неспазнаных пытанняў у гэтай сферы мност-ва, і сучаснай моладзі цікава вывучаць інфарматыку на занятках з настаўнікам, а не самастойна. Таму гэты прадмет не страчвае актуальнасці, а наадварот прыцягвае да больш дасканалага вывучэння насамрэч важнай дысцыпліны, раскрывае межы магчымасцей камп’ютара і сістэматызуе ўжо набытыя веды.