Зборная каманда гімназістаў заняла другое месца ў конкурсе прафесійнага майстэрства УСК па Магілёўскай вобласці сярод навучэнцаў профільных класаў прававой накіраванасці, кадэтаў кадэцкага вучылішча, студэнтаў першага курса факультэта эканомікі і права МДУ імя А.А. Куляшова. Мерапрыемства прымеркавалі да 80-годдзя Перамогі ў Вялікай Айчыннай вайне.

* * *

Танцавальны калектыў “Полымя” Ялізаўскай сярэдняй школы пад кіраўніцтвам Вольгі Шахавай прыняў удзел у VII Міжнародным шматжанравым фестывалі-конкурсе SVITANAK ART. Дзяўчаты выступалі ў намінацыі “Харэаграфія” з нумарам “Магія Хогвартса” і сталі лаўрэатам III ступені.

* * *

На базе раённага цэнтра творчасці дзяцей і моладзі прайшоў фінальны этап раённай гульні “Брэйн-рынг” у рамках раённага турніру па інтэлектуальных гульнях сярод навучэнцаў старэйшых класаў. Першае месца заняла каманда гімназіі, другое — каманда СШ № 1, трэцяе падзялілі рабяты з Дараганаўскай і Вяззеўскай СШ.