Навукова-практычная канферэнцыя “Праблемы і вывучэнне сакральнай тапанімікі Асіповіцкага раёна”

нядаўна ўпершыню прайшла на базе мясцовага музея. Зацікаўленыя краязнаўцы падрыхтавалі змястоўныя матэрыялы, што тычацца найменняў некаторых вёсак нашага краю.

Па словах дырэктара ўстановы Антаніны Сцяпанавай, першая спроба ўзаемадзеяння з людзьмі, неабыякавымі да лёсу зніклых і існуючых назваў асіповіцкіх паселішчаў, урочышчаў і іншых мясцін, стала своеасаблівай пляцоўкай для развіцця навукова-даследчай дзейнасці як для супрацоўнікаў музея, так і аматараў вывучэння даўніны. Прыемна, што ў іх ліку не толькі прадстаўнікі старэйшага пакалення, але і падрастаючага.

Па выніках канферэнцыі будзе выдадзены зборнік, які папоўніць навуковыя крыніцы музея па мясцовым краязнаўстве.