Адукацыя

Выхаванне асобы — у прыярытэце

Ва ўстанове добра развіта інфармацыйнае забеспячэнне ідэалагічнай работы, якое ўключае наглядную агітацыю, напрыклад, інфармацыйныя стэнды, і сродкі масавай камунікацыі. Праграма выхавання апошнія чатыры гады была арыентавана на грамадзянска-патрыятычнае, ідэалагічнае, нацыянальнае і сямейнае выхаванне. Штогод навучэнцы ўдзельнічаюць у раённых мерапрыемствах, прысвечаных святкаванню Дня Перамогі, акцыях “Добрае сэрца”, “Дзякуй за Перамогу”, “Беларусь памятае”. Акрамя гэтага, шмат увагі надаецца здароўю і бяспецы жыццядзейнасці дзяцей і калектыву. Ва ўстанове рэалізуецца праект “Здаровы клас”.

Адзін з прыярытэтных напрамкаў выхаваўчай работы — фарміраванне ў вучняў поглядаў, за-снаваных на ідэалогіі беларускай дзяржавы і грамадства. Так, штотыднёва праводзяцца інфармацыйныя гадзіны для дзяцей, кожны чацвёрты чацвер месяца для навучэнцаў 8-9 класаў арганізоўваецца адзіны дзень інфармавання пад агульным дэвізам “ШАГ” (Школа Актыўнага Грамадзяніна).

Дзіцячыя грамадскія арганізацыі і вучнёўскае самакіраванне складаюць значную частку ідэалагічнай работы. Піянеры дружыны імя Героя Савецкага Саюза Рымы Кунько неаднаразова станавіліся пераможцамі раённых і абласных конкурсаў і акцый. Дасягнута станоўчая дынаміка ў колькасным складзе грамадскіх аб’яднанняў “БРПА” і “БРСМ”.

Летась Ясенскі ВПК заняў вышэйшую пазіцыю сярод іншых устаноў адукацыі ў намінацыях “дзейнасць школьных грамадскіх аб’яднанняў” і “занятасць”. На базе комплексу працуе 7 аб’яднанняў па інтарэсах. Досыць шырокі спектр прапанаваных форм вольнага часу ахапіў усіх навучэнцаў установы. 60 дзяцей (83%) займаюцца ў чатырох аб’яднаннях па інтарэсах у шосты школьны дзень.

Створаны ўмовы для творчага развіцця і самарэалізацыі навучэнцаў, што забяспечвае выніковы ўдзел у конкурсных мерапрыемствах па розных напрамках выхаваўчай працы. Толькі летась ясенскія школьнікі сталі пераможцамі і прызёрамі 14 раённых, 5 абласных і 2 рэспубліканскіх творчых конкурсаў, акцый і праектаў.

Дарэчы, апошнія тры гады ва ўстанове адукацыі не было ніводнага ўдзельніка злачынстваў ці правапарушэнняў, што таксама характарызуе выхаваўчую работу комплексу са станоўчага боку.

Колькасць членаў прафсаюзнай арганізацыі павялічылася і зараз складае 40 чалавек, а гэта 98% калектыву. ГА “Белая Русь” аб’яднала 10 педработнікаў.