Другі год запар педагогі нашай установы прымаюць
удзел ва ўнутрысадавым конкурсе “Лепшы вахавальнік”.

У час правядзення конкурсных мерапрыемстваў у
калектыве панавала атмасфера творчасці і прыўзнятага настрою. Кожны
выхавальнік стараўся паказаць асаблівасць свайго педмайстэрства. Гэта
разнастайныя віды дзейнасці з дзецьмі ў Алены Слабодчыкавай, Валянціны
Ягоравай, Наталлі Парамонавай, цікавыя дыдактычныя гульні ў Вольгі Паркалавай,
Таццяны Насрыддзінавай, Вольгі Пятроўскай, арыгінальныя самапрэзентацыі Iрыны
Пацкевіч, Жанны Мельнікавай, Алены Рыжковіч.

Пераможцай конкурсу стала Алена Шычко. Гэта —
высокакваліфікаваны педагог, які валодае сучаснымі метадамі дашкольнай
педагогікі і псіхалогіі, элементамі разнастайных тэхналогій, мае ўласны стыль у
зносінах з дзецьмі.

У сваім эсэ педагог прызналася: “Не я
выбрала прафесію, а прафесія — мяне”. Конкурс яшчэ раз пацвердзіў, што
Алена Пятроўна — творчы спецыяліст, таленавіты чалавек, надзейны калега. Яна
будзе прадстаўляць сваю ўстанову адукацыі на раённым конкурсе. Спадзяёмся на
перамогу!

Iрына ПалазнIк,

намеснік загадчыка ДУА “Яслі-сад № 10
“Расінка”.