Інтэлектуальныя гульні даўно карыстаюцца
папулярнасцю сярод асіповіцкіх школьнікаў. Нядаўна райкам БРСМ сумесна з
кіраўніком гуртка пры Цэнтры творчасці дзяцей і моладзі Дзмітрыем Калтовічам
паспрабавалі далучыць да гэтага занятку і працоўную моладзь.

19 лютага ў клубе чыгуначнікаў прайшоў турнір
гульні “Што? Дзе? Калі?”, у якім прынялі ўдзел каманды СШ № 1, ЦТДіМ, дыстанцыі
пуці, АЗАА і вайсковых часцей 12180 і 44540. На працягу трох раўндаў ім трэба
было адказаць на 45 пытанняў. Найбольшую колькасць балаў набралі гурткоўцы
ЦТДіМ, ад іх з невялікім разрывам адсталі лапіцкія вайскоўцы (44540), а
замкнулі тройку мацнейшых чыгуначнікі.

Вольга ЛЮБАНСКАЯ.