Каменіцкія школьнікі — вялікія аматары
падарожжаў. Многія з іх не першы год наведваюць турыстычны гурток, якім кіруе
Iгар Васільевіч Вікторчык. Пад яго началам дзеці аб’ездзілі-абышлі не толькі
ўвесь Асіповіцкі раён, але і пазнаёміліся з краявідамі іншых мясцовасцей. У
прыватнасці, мінулым летам здзейснілі чарговы велапаход I катэгорыі
складанасці. Яго працягласць склала каля 320 кіламетраў. Шлях пралягаў па
тэрыторыі Магілёўскай і Мінскай абласцей, юныя турысты пабывалі ў Чэрвені,
Мар’інай Горцы, Старых Дарогах, Глуску. Ня-гледзячы на пэўныя цяжкасці, вучні з
пастаўленай задачай справіліся ўдала.

А нядаўна прадставілі ў раённы клуб турызму і
краязнаўства, які штогод праводзіць сярод школ конкурс на лепшы завочны паход,
справаздачу аб праведзеным падарожжы. Перад Новым годам кампетэнтнае журы
падвяло яго вынікі, і велатурысты Каменіцкай СШ занялі пачэснае першае месца ў
сваёй намінацыі. Наперадзе — абласны этап, і рабяты і там спадзяюцца перамагчы.

Марыя КУРЫЛЬЧЫК.