ДУА “Осаўскі вучэбна-педагагічны комплекс
дзіцячы сад-базавая школа”

У многім выхаваўчая работа тут базіруецца на
народных традыцыях. Гэта пацвердзіла і прайшоўшае нядаўна свята “Калядкі”, у
час якога навучальную ўстанову наведаў ансамбль Осаўскага сельскага клуба
“Крынічка”.

Ужо даўно ўстанова супрацоўнічае з газетай “Юны
выратавальнік”. 5 студзеня на навагодняе свята, арганізаванае гэтым папулярным
дзіцячым выданнем, былі запрошаны і прадстаўнікі з Осаўскага ВПК дзіцячы
сад-базавая школа.

ДУА “Сярэдняя агульнаадукацыйная школа № 2 г. Асіповічы”

Настаўніца англійскай мовы вышэйшай
кваліфікацыйнай катэгорыі Наталля Барысаўна Іванова стала пераможцай шостага
конкурсу метадычных распрацовак педагагічных работнікаў Рэспублікі Беларусь
“Адкрыты ўрок” у намінацыі “Лепшы ўрок па прадмеце гуманітарнага напрамку”. Перамога
тым больш значная, што ўсіх удзельнікаў было 976, а пераможцаў — толькі 17.
Настаўніца падала на суд журы ўрок у 9 класе на тэму “Школа ў Рэспубліцы
Беларусь і ў краіне вывучаемай мовы”.

У дзясятку лепшых работ з 250 увайшла і
метадычная распрацоўка настаўніцы матэматыкі і інфарматыкі Наталлі Яўгеньеўны Барадулінай.
Так трымаць!

ДУА “Свіслацкая СШ”

Новы год прынёс установе шмат новага. Зусім
нядаўна для школы быў набыты найсучаснейшы МАЗаўскі аўтобус на 27 месцаў.
Акрамя дзяцей са Свіслацкай СШ, ім карыстаюцца хлопчыкі і дзяўчынкі з
вучэбна-педагагічных комплексаў Ліпеня і Вязаўніцы. “Белы цеплаход” — такая
рамантычная назва дадзена новаму школьнаму аўтобусу.

Пасля канікул вучняў чакаў яшчэ адзін прыемны
сюрпрыз ад райаддзела адукацыі — новы камп’ютарны клас, ад якога дзеці проста
прыйшлі ў захапленне.

У канцы тыдня пройдзе агульнашкольнае
мерапрыемства — “мясцовы” тур конкурсу “Творчыя ўзлёты”, дзе і вы-значацца тыя,
хто будзе абараняць гонар школы на раённай сцэне.

ДУА “Ліпеньскі ВПК дзіцячы сад-сярэдняя школа”

Больш за 10 хлопчыкаў і дзяўчынак, якія
наведваюць нядзельную школу пры мясцовым храме, сталі ўдзельнікамі
тэатралізаванага прадстаўлення “Калядная казка”, паказ якой адбыўся на мінулыя
выхадныя ў Ліпеньскім СДК. Наступнае месца, дзе плануецца паказаць пастаноўку —
Татаркаўская бальніца сястрынскага догляду.

Няхай у гэтыя незвычайныя дні года ва ўсіх
сэрцах — маленькіх і вялікіх — знойдзецца месца для дабрыні, спагады і
творчасці.

Навіны збірала Валянціна КОРБАЛЬ.