На
базе ДУА “СШ № 2 г. Асіповічы” з пачатку навучальнага года стартаваў унікальны на Магілёўшчыне праект “Укараненне мадэлі паглыбленай дыферэнцыяцыі навучання на 2-3 ступені агульнай сярэдняй адукацыі”,
які быў распрацаваны
і прэзентаваны намеснікам дырэктара Кацярынай Свірковай і настаўнікам фізікі Надзеяй Сасавай. Куратарства над праектам узялі прафесіяналы са сталіцы — кандыдат педагагічных навук Мікалай Запрудскі і метадыст Цэнтра прафесійнага развіцця і інавацыйнай адукацыі “Акадэмія паслядыпломнай адукацыі” Ганна Дабрынеўская.

Асіповічы
— адзін з нямногіх гарадоў, дзе на міністэрскім узроўні было прынята рашэнне перанесці гэту інавацыйную мадэль у рэальныя ўмовы. Для гэтага ва ўстанове адукацыі існуюць усе неабходныя ўмовы:
вялікі вопыт работы,
высокакваліфікаваны
педагагічны калектыў, выдатная прастора для творчай
дзейнасці і вучнёўскі патэнцыял.

Зараз
перад педкалектывам стаіць першачарговая задача падрыхтаваць дзяцей да паўнацэннай жыццядзейнасці ў грамадстве: псіхалагічна,
тэарэтычна і практычна.

У 2012 годзе праект
рэалізуецца з трэцяй ступені адукацыі — 10-11 класаў. Яго галоўны плюс — індывідуалізацыя навучальнага працэсу. Сутнасць у тым, што старша–класнікі могуць самастойна, улічваючы пажаданні і магчымасці, абраць спектр паглыблена вывучаемых прадметаў. Сёлета школьнікі ў асноўным аддалі перавагу фізіцы, матэматыцы, англійскай, рускай і беларускай мовам, працоўнаму навучанню. Заняткі адбываюцца наступным чынам: настаўнікі–прадметнікі — з групамі школьнікаў, якія абралі той ці іншы прадмет, працуюць педагогі вышэйшай кваліфікацыі — выпрацоўваюць індывідуальную праграму навучання павышанай складанасці для вучняў. Прычым, яны максімальна пазбаўлены ад
“папяровай” работы.

— Умовы створаны максімальна спрыяльныя, —
адзначае дырэктар школы Людміла Шабаліна. — У наяўнасці і
матэрыяльна-тэхнічная база, і кантроль засваення ведаў, і цеснае
ўзаемадзеянне
з бацькамі. Дарэчы, калі вучань праз некаторы час адчуе, што абраныя прадметы не даюцца яму, то ён зможа пераключыць сваю ўвагу на іншыя дысцыпліны. Галоўнае для нас — іх асабістае развіццё і рост, канкрэтная прафесійная арыентацыя, паспяховая адаптацыя ў сучасным грамадстве і актыўная працоўная
дзейнасць.

Людміла
Аляксееўна лічыць, што гэта форма навучання і выкладання, якая, дарэчы, практыкуецца ў многіх еўрапейскіх краінах, зможа апраўдаць сябе і
даказаць сваю эфектыўнасць у будучым.

Нэлі АСТРЭЙКА.