У чарговы раз
конкурс вучнёўскіх навукова-даследчых прац пераканаў, што цікавасць школьнікаў
Асіповіччыны да гэта віду дзейнасці не падае. Сёлета на суд журы было здадзена
62 работы. Прызнаны лепшымі і будуць удзельнічаць у абласным этапе 20.

Цікавымі
атрымаліся да-следаванні біёлага-экалагічнага кірунку, напісаныя пад
кіраўніцтвам настаўніцы з СШ № 3 Святланы Зайцавай. Дар’я Мядзведзева і
Канстанцін Флер’яновіч шукалі “Месца знаходжання і гнездавання чорнага бусла ў
асіповіцкім прыродным комплексе”, а Анастасія Дзяргач і Вераніка Парфёнава —
“Прыярытэтныя лясныя культуры як умова паспяховага культывавання ясеня
звычайнага”. Пад кіраўніцтвам гэтага ж навуковага кіраўніка напісаны і прызавыя
работы па хіміі Кацярынай Пеставай і Аляксандрам Навумавым “Ачыстка вады ад
павышанага ўтрымання жалеза” (I месца), Кацярынай Траулька і Таццянай Міхеевай
“Кока-кола: за і супраць” (III). Другое месца занялі вучні з СШ № 4 Дзмітрый
Шпіронак і Яўгеній Пракоп’еў з “Экалагічнай ацэнкай забруджвання
дзярнова-падзолістых глеб” (навуковы кіраўнік — Ірына Краўчанка). Трэцяй па
колькасці набраных балаў была праца вучняў Вяззеўскай СШ Юліі Вашкевіч і
Наталлі Хлус “Вызначэнне найбольш спрыяльных фактараў для выяўлення якасці і
свежасці малака” (кіраўнік — Лілія Сашчэка).

У
фізіка-матэматычным кірунку лепшымі прызнаны даследаванні гімназістаў Хрысціны
Бугар і Сяргея Кісялёва “Параўнанне адлегласцей” (кіраўнік Аксана Жыгадла).
Тамара Ушэніна з СШ № 4 разам з настаўніцай Аленай Гаўруковіч працавалі над
“Даследаваннем уплыву тэрмічнай і механічнай апрацоўкі на трываласць медзі”—
другі вынік. III месца прысуджана Аляксандру Юрчанку з Лапіцкай СШ, які разам з
кіраўніком Святланай Хіўрэнка займаліся рознабаковым разглядам “Фігур Лесажу”.

У
гісторыка-геаграфічным напрамку працаваў Яўгеній Малішэўскі з Ясеня, які
раскрыў тэму “Беларускія гастарбайтэры: з гісторыі “ўсходніх рабочых” з
Асіповіцкага, Клічаўскага і Глускага раёнаў” (навуковы кіраўнік Леанід
Бязручка). II месца ў сясцёр Вольгі і Алены Грыневіч з СШ № 4 за “Праблему
знешняй міграцыі ў Рэспубліцы Беларусь”, якую дзяўчаты вывучалі разам з
настаўніцай Аленай Анціховіч. Работа вучаніц СШ № 2 Вікторыі Драбуцька і
Кацярыны Дружковай “Узнаўленне насельніцтва Беларусі і моладзь: сучаснае
бачанне”, напісаная пад кіраў-ніцтвам Ірыны Ванюк, заняла III месца.

Нямала цікавых
даследаванняў зроблена і на лінгвіс-тычнай ніве. “Асаблівасці жыллёвага аспекту
жыцця брытанцаў” — так называлася навуковая праца Аляксея Шыпунова з Цэльскай
СШ (кіраўнік — Ірына Хадзько). II месца ў Ганны Быліны і Ганны Касатай з СШ № 1
за “Ткацтва Германіі і Беларусі і яго краіна-знаўчая актуальнасць” (Уладзімір
Паркалаў). Гімназістка Алена Скарына і настаўніца Ірына Бугар даследавалі
“Моўныя рэаліі як вербальнае выражэнне элементаў нацыянальнай культуры” і
падзялілі III месца з вучнямі СШ № 4 Хрысцінай Шапачнікавай і Арцёмам
Панятоўскім, якія пад кіраўніцтвам Юліі Тарабукінай напісалі “Катэгорыі прасторы
і часу ў моўнай карціне свету”. “Мае адносіны да працэсу развіцця рускай мовы”
— так называлася работа вучня СШ № 1 Яраслава Вікторчыка (Наталля Піскун).

На першай
прыступцы Валерыя Хмялёва і Юлія Емяльянава з СШ №4 са сваімі настаўнікамі
Наталляй Навіцкай і Таццянай Кавалёвай, якія даследавалі “Лексіка-семантычную
характарыстыку айконімаў Асіповіцкага раёна”. Святлана Окрут з Дараганаўскага
ВПК напісала пад кіраўніцтвам Мікалая Тамашова “Дараганаўскую вераснянку” — у
іх II месца. Трэці вынік у Паўла Астрауха з Ліпеньскага ВПК дзіцячы
сад-сярэдняя школа за “Тэматыку лірыкі Ф.А.Карашкова, асаблівасці творчага
метаду паэта”. Кіравала работай Марына Андрыенка.

— Асаблівасць
сёлетняй “навукова-даследчай кампаніі” ў тым, што ў работах выразна
праследжваецца вялікая цікавасць вучняў да мясцовага матэрыялу, да сваёй
спадчыны. І яшчэ — многія даследаванні мелі практычную накіраванасць, што
таксама мае сваё станоўчае значэнне, — так выказалася загадчык раённага
вучэбна-метадычнага кабінета Наталля Панфіловіч.

Валянціна
КОРБАЛЬ.