У Мінску прайшоў фінал рэспубліканскага конкурсу
на лепшы турыстычны паход “Пазнай Радзіму — выхавай сябе”, на які было прадстаўлена
з усіх абласцей краіны 56 справаздач.

У спаборніцтвах удзельнічалі таксама педагогі
дадатковай адукацыі Асіповіцкага раённага цэнтра турызму і краязнаўства, і ў
лік пераможцаў выйшлі кіраўнікі гурткоў Андрэй Козыраў і Ігар Вікторчык,
справаздачы якіх занялі вышэйшыя прыступкі ў намінацыях “Велапаходы 2 і 1
катэгорый складанасці” адпаведна. Сярод справаздач аб паходах са студэнтамі ВНУ
і навучэнцамі ССНУ журы прысудзіла II месца педагогу нашага каледжа Дзмітрыю
Зылю, які ўпершыню ўдзельнічаў у конкурсе.

Атрыманыя ўзнагароды ў чарговы раз падкрэслілі
высокі прафесіяналізм педагогаў РЦТіК і паказалі, што турысцка-краязнаўчая работа
ў раёне знаходзіцца на належным узроўні.