Штогадова з наступленнем вясны дарожным і камунальным службам значна дадаецца клопатаў. Менавіта на гэты перыяд прыпадаюць асноўныя работы па рамонце дарожнага палатна. Вось і зараз на дарогах кіпіць справа. Ідзе ямачны рамонт на 60 гадоў Кастрычніка, прывакзальнай плошчы, іншых месцах.

А на ўчастку вуліцы Інтэрнацыянальнай ад Кароткай да перасячэння з Сумчанкі работнікі ДЭУ  № 73 здымаюць верхні пласт асфальту. Пасля фрэзеравання будзе ўкладвацца новы. На дарозе працуюць тры МАЗы, фрэза, пагрузчык, трактар. Шчыруюць вадзіцелі Андрэй Жыўняк, Віталь Куцечка,  Сяргей Пратасіч, Андрэй Гладкі, Андрэй Пісарэвіч, Аляксей Сулімчык, якія заўсёды выконваюць сваю работу сумленна.

У красавіку Інтэрнацыянальная набудзе абноўлены выгляд, каб радаваць жыхароў і гасцей горада.

Дарожнікі вядуць ямачны рамонт на перакрыжаванні вуліц Сташкевіча і 60 гадоў Кастрычніка. Работнікі і тэхніка ДЭУ № 73 задзейнічаны на фрэзераванні асфальту вуліцы Інтэрнацыянальнай.