Нядаўна падведзены вынікі конкурсу сярод музеяў Магілёўшчыны “Лепшае эсэ на патрыятычную тэматыку”, які ў Год гістарычнай памяці праводзіў абласны краязнаўчы музей

У намінацыі “Свяшчэнныя рэліквіі” Дыпломам I ступені адзначана дырэктар Асіповіцкага раённага гісторыка-краязнаўчага музея Антаніна Сцяпанава за твор “Гэта святая памяць сям’і”.

А ў намінацыі “Раўненне на Перамогу” другім стаў краязнаўца Юрый Абмоін за эсэ “С.М. Маісееў — кавалерыст з вуліцы Чкалава”. Апошні твор уяўляе сабой дапрацаваны ўрывак з даследавання “Вуліца Чкалава: людзі і лёсы” — работа друкавалася раёнкай пяць гадоў назад (гл. “АК” № 35 ад 5.05.2017 г.).

Аповед-разважанне Антаніны Сцяпанавай увайшоў у міжнародны зборнік паэзіі і прозы “Памяці слова жывое”, прэзентацыю якога плануецца прымеркаваць да Дня народнага адзінства.

Таксама работы пераможцаў конкурсу эсэістаў будуць да канца года размяшчацца на сайце Магілёўскага абласнога краязнаўчага музея mogilewmuseum.by.