Гарачая лінія па пытаннях незаконнага звальнення работнікаў пачала працаваць у Федэрацыі прафсаюзаў Беларусі. Прафсаюзныя тэлефонныя лініі даступны ва ўсіх рэгіёнах краіны. Патэлефанаваць можна па наступных нумарах: 8 (017) 373-82-94 і 8 (0222) 65-34-95 з 10.00 да 12.00 і з 14.00 да 16.00.

Рыбгас “Свіслач” атрымае субсідыі на ўплату часткі працэнтаў па банкаўскіх крэдытах, выдадзеных на ўмовах, вызначаемых банкамі, на тэрмін да трох гадоў для набыцця камбікармоў для рыбы і пагашэння запазычанасці за камбікорм, набыты сёлета.

Дырэктар філіяла “Асіповіцкі завод жалезабетонных канструкцый” ААТ “Дарбудмантаж-трэст” Уладзімір Юкоўскі ўзнагароджаны медалём “За працоўныя заслугі”. Віншуем!

У філіяле “Асіповіцкі” ААТ “Бабушкина крынка” з удзелам старшыні райкама прафсаюзаў работнікаў аграпрамысловага комплексу Святланы Сідарэнка прайшла канферэнцыя прафсаюзнай арганізацыі, на якой выбралі новага кіраўніка пярвічкі Крысціну Шабуня.

Ялізаўскі сельсавет актыўна займаецца ліквідацыяй наступстваў урагану, які меў месца на выхадных. Стыхія нанесла шкоду як прыватнаму сектару, так і дзяржаўнаму. На дапамогу елізаўчанам прыйшлі работнікі Акцябрскага лясніцтва, якія першапачаткова ачысцілі пасялковыя дарогі і пад’язныя пуці ад дзясяткаў паваленых дрэў. На сваіх участках працавалі АРЭС і “Водаканал”, каб своечасова вярнуць пасялкоўцам электрычнасць і ваду, падача якіх была перапынена з-за шквалістага ветру. Аднаўленчыя работы працягваюцца.