Коратка

Аддзел па адукацыі Асіповіцкага райвыканкама вярнуўся на сваю ранейшую базу і знаходзіцца па вул. Каданчыка, д. 1. Нумары тэлефонаў спецыялістаў захаваліся.

Грамадская прыёмная пры Магілёўскім абласным Савеце РГА “Белая Русь” знаходзіцца па адрасе: г. Магілёў, вул. Першамайская, 89, каб. 45. Асабісты прыём грамадзян праводзіцца кожны 4-ы аўторак месяца з 16.00 да 17.30. Тэлефон для папярэдняга запісу: 8 (0222) 63-51-06 (з 9.00 да 12.00 штодзённа).

Падчас восеньскіх канікул у гарадскіх прышкольных лагерах адпачываюць 88 хлопчыкаў і дзяўчынак, пры вясковых школах — 106 вучняў. Усяго ж на Асіповіччыне з 31 кастрычніка па 6 лістапада працуе 19 прышкольных лагераў. Большасць наведвальнікаў — ва ўзросце 6-10 гадоў.

Чэмпіянат і першынство Беларусі па тайландскім боксе прайшлі ў цэнтры алімпійскай падрыхтоўкі спарткомплекса “Стайкі” (Мінскі раён). У турніры прымалі ўдзел выхаванцы СК “Golden Victory”. Юныя асіпаўчане Павел Альшанік, Цімафей Абрамчык, Іван Мінакоў, Марыя і Ангеліна Якубоўскія сталі чэмпіёнамі краіны і пераможцамі першынства.

10,3 тоны журавін і 3,3 тоны брусніц за дзесяць месяцаў бягучага года нарыхтавала Глускае райста; і ў лістападзе журавіны яшчэ здаюць, але значна меней.

Каля 100 камер відэаназірання ўсталявалі спецыялісты АЗВЭС “Белтэлекам” за апошнія тры месяцы. Попыт на паслугу “Відэакантроль” актыўна павышаецца. Больш за 15 арганізацый, сярод якіх і буйны АЗТМ, ужо карыстаюцца гэтай паслугай. Відэакамеры таксама ўсталяваны і на 8 шматкватэрных дамах. Падключыць паслугу можна звярнуўшыся да спецыялістаў “Белтэлекама”.