Коратка

Адзіны дзень бяспекі дарожнага руху “Выбіраем бяспечную хуткасць” сёння праводзіць ДАІ РАУС.

Канцэрт народнага духавога аркестра “Беларусь — ты песня мая!” пройдзе заўтра ў 11.00 на адкрытай пляцоўцы раённага Цэнтра культуры і адпачынку. Запрашаем!

Званне “народны” тэатр “Надзея”  РЦКіА атрымаў у ліпені 25 гадоў таму. 20 гадоў, як гэта званне мае ансамбль народнай песні “Вязанка” Вяззеўскага СДК.

Даследаванне дастаўленых асіпаўчанамі на праверку чарніц, якое праводзілася ў лабараторыі гарадскога рынку за сезон некалькі разоў, не паказала перавышэнняў па ўтрыманні радыенуклідаў, чаго не скажаш пра ягады з іншых раёнаў Магілёўшчыны. Таму лясныя дары перад ужываннем лепей правяраць.

Школьны базар будзе дзейнічаць з 1 па 30 жніўня па выхадных днях на гарадскім рынку. Тут можна набыць адзенне, абутак, канцылярскія і іншыя тавары для дзяцей дашкольнага і школьнага ўзросту.