КОЛЬКАСЦЬ ТАКСАФОНАЎ за апошні час паменшылася амаль удвая: з 54 да 28. У раённым вузле электрычнай сувязі тлумачаць, што іх трымаць на балансе эканамічна нявыгадна, бо ўсё менш карыстаюцца попытам сярод насельніцтва. Аптымізацыя датычыцца пакуль горада — у аграгарадках колькасць таксафонаў пакуль што застаецца той жа.
КАМАНДА СЯРЭДНЯЙ ШКОЛЫ № 4 выступіла ў абласным злёце юных выратавальнікаў-пажарных, у якім удзельнічалі 22 калектывы. У конкурсе «Фатаграфія» нашы дзеці занялі 3 месца і былі ўзнагароджаны дыпломам і каштоўным падарункам.
НА ЎЛIКУ Ў АДДЗЯЛЕННI САЦЫЯЛЬНАЙ АДАПТАЦЫI I РЭАБIЛIТАЦЫI райцэнтра сацабслугоўвання насельніцтва 81 сям’я, якая знаходзіцца ў сацыяльна небяспечным становішчы, 142 выхоўваюць дзяцей-інвалідаў і 406 — мнагадзетныя. У наяўнасці таксама 48 сірот ва ўзросце ад 18 да 23 гадоў, якія засталіся без папячэння бацькоў, і 21 грамадзянін з месцаў пазбаўлення волі.
З ЧЭРВЕНЯ ПА ЖНIВЕНЬ НА ТЭРЫТОРЫI ПРАВОДЗIЦЦА СПЕЦЫЯЛЬНАЯ ПРАГРАММА “МАК”. Мэта яе — недапушчэнне вырабу і распаўсюджвання наркатычнай сыравіннай базы расліннага паходжання. Супрацоўнікі РАУС выяўляюць грамадзян, якія займаюцца захаваннем, збытам і транспарціроўкай наркотыкаў, знішчаюць незаконныя пасевы маку і каноплі. Нагадваем, што за вырошчванне забароненых раслін пагражае штраф ад 20 базавых велічынь да 3 гадоў пазбаўлення волі.
ПА IНФАРМАЦЫI РАЙПАЛIКЛIНIКI, заказ талонаў да ўрачоў праз інтэрнэт не карыстаецца асаблівым попытам. Так, за некалькі месяцаў на osipovichi_poliklinika@tut.by паступіла ўсяго 3 віртуальныя звароты.