Аддзелам адукацыі, спорту і турызму райвыканкама быў арганізаваны “круглы стол“ “Прафілактыка безнагляднасці і правапарушэнняў сярод непаўналетніх” для падлеткаў, якія знаходзяцца на прафілактычным уліку ў IСН, індывідуальным уліку ва ўстановах адукацыі або сацыяльна небяспечным становішчы. Дзеці не толькі атрымалі кансультацыі спецыялістаў і праглядзелі тэматычны відэафільм, але мелі магчымасць запісацца ў гурткі па інтарэсах і прынялі ўдзел у інтэлектуальнай гульні “Што? Дзе? Калі?”.

ПМК № 95 “Вадбуд” за 9 месяцаў асвоена з рэспубліканскага бюджэту 68,8 тыс. рублёў. Ад заглейвання ачышчана 9562 м і абкошана 289,14 км каналаў, ад драўніна-хмызняковай расліннасці — 4 км. Вядуцца работы на меліярацыйнай сістэме ААТ “Заходні-Агра”, дзе ўжо асвоена 53170 рублёў, пачаліся яны і на зімавальных сажалках рыбгаса.

У Міжнародны дзень пажылых людзей камбінат бытавога абслугоўвання прадастаўляе 10-працэнтную скідку на ўсе віды паслуг — цырульня, хімчыстка, пральня, пашыў, набыццё тавара — у межах раёна для людзей сталага ўзросту. У магазінах ААТ “Гандаль” пажылыя людзі атрымаюць магчымасць набыць харчовыя тавары на 5% танней. А нехарчовыя выгадна купіць у крамах райста: гандлёвая надбаўка на іх будзе зніжана на 10%.

У адзіным разліковым цэнтры з 28 верасня змяніліся тэлефонныя нумары. Дырэктару зараз можна пазваніць па нумары 77-490, юрысконсульту — 77-495, спецыялісты па камунальных разліках вам адкажуць, калі набярэце нумар 77-489.

“МЫ СУПРАЦЬ АЛКАГОЛЮ” — прафілактычная акцыя пад такім лозунгам праходзіць на гэтым тыдні на Магілёўшчыне.

Кастрычнік — месячнік бяспекі. Яго мэта — забеспячэнне бяспечнай працы пры выкананні работ на будаўнічых аб’ектах і будпляцоўках вобласці.

ФК «Асіповічы» засталося правесці 4 хатніх і 2 выязных матчы да канца чэмпіянату краіны па футболе. Бліжэйшая сустрэча – у 21 туры – пройдзе з клубам «Забудова-Строй» (Чысць) на «Юнацтве» ўжо заўтра ў 15.30.