Міжнародны алімпійскі дзень пройдзе заўтра ў рэспубліцы па рашэнні выканкама НАК. На Асіповіччыне ў яго рамках запланавана правядзенне шэрагу спартыўных мерапрыемстваў па розных відах спорту, у першую чаргу ў аздараўленчых лагерах.

Райарганізацыя Беларускага Таварыства Чырвонага Крыжа вядзе выдачу гуманітарнай дапамогі ў выглядзе падарачных сертыфікатаў перасяленцам з Луганскай і Данецкай абласцей Украіны. Ваўчарамі забяспечаны 19 чалавек.

Каманда Вяззеўскай СШ прыняла ўдзел у абласным злёце юных выратавальнікаў-пажарных. I заняла агульнакаманднае пятае месца, а ў намінацыі «Аказанне першай даўрачэбнай дапамогі» паказала другі вынік, за што атрымала дыпломы і каштоўныя падарункі.

З 8 па 12 чэрвеня на тэрыторыі раёна праводзіцца спецыяльнае комплекснае мерапрыемства «Быт», накіраванае на прадухіленне хатняга насілля.

У адміністрацыі вакзала паведамілі, што графік руху цягнікоў сёлета на летні час змяняцца не будзе. Яго карэкціроўка адбудзецца 13 снежня.

Асіповіцкая аўташкола ДТСААФ за студзень-май падрыхтавала 97 вадзіцеляў катэгорыі В, 46 аўтамабілістаў атрымалі катэгорыю С, СЕ – 8 чалавек. Акрамя таго, правы на кіраванне газабалонным аўтамабілем выдалі 52 вадзіцелям.

У гаспадарках раёна з 29 мая ідзе нарыхтоўка кармоў. Ужо назапашана 11 тон сена, 3.363 тоны сенажу, у тым ліку ў палімернай упакоўцы па прагрэсіўнай тэхналогіі — 208 тон. Скошана першым укосам 1.026 гектараў. Вядзецца хімічная праполка — праведзена на 2.709 га яравых зерневых культур. Такім жа чынам прапалолі 1.320 га кукурузы і 744 га цукровых буракоў.

Раённы цэнтр турызму і краязнаўства за 5 месяцаў арганізаваў 32 экскурсіі па знакамітых месцах краіны, удзел у якіх прынялі 964 вучні. Ад гэтага віду дзейнасці ўстанова дадатковай адукацыі атрымала 231 млн рублёў.

Актыўна вядзецца падпіска на часопісы і газеты на II паўгоддзе. Ведамасная падпіска ўжо адноўлена на 47%, індывідуальная — на 14. Падпісчыкі аддаюць перавагу рэспубліканскім газетам «7 дзён», «Звязда», «Народная газета», «Рэспуб-ліка», з абласных часцей выбіраюць «Магілёўскія ведамасці». I, канечне, не забываюцца на сваю родную — «Асіповіцкі край».

У ходзе праверак аб’ектаў гандлю і грамадскага харчавання райЦГЭ выяўлены парушэнні санітарнага заканадаўства на 35 падкантрольных кропках. Складзена 32 пратаколы аб адміністрацыйных парушэннях на адказных асоб на агульную суму больш за 59 млн рублёў.

У чэмпіянаце вобласці па футболе асіповіцкая «Алімпія» 7 чэрвеня ў 17.00 прымае дома бялыніцкую «Друць». Балеем за нашых!