На чыгуначнай станцыI “Дараганава” з пачатку года рэалізавана 26.886 квіткоў: 1.293 чалавекі скарысталіся паслугамі цягнікоў міжрэгіянальных і 25.593 — рэгіянальных ліній эканом-класа. 225 пасажыраў  аплацілі іх з дапамогай банкаўскіх картак, 4 атрымалі праязны дакумент дзякуючы магчымасцям інтэрнэта.

ДУА “АсIповIцкI раённы цэнтр карэкцыйна-развIваючага навучання I рэабIлIтацыI” наведваюць 57 дзяцей: 28 атрымліваюць карэкцыйную дапамогу, 20 навучаюцца па праграме спецыяльнай адукацыі, 9 малым узростам да 3 гадоў прадастаўляецца ранняя комплексная дапамога. У ходзе дабрачыннай акцыі “Дзень нараджэння на даху”, якую на мінулым тыдні правёў РЦКРНіР сумесна з райцэнтрам творчасці дзяцей і моладзі, 160 дзяцей-інвалідаў атрымалі салодкія падарункі.

Раённай энергаIнспекцыяй філіяла “Энерганагляд” РУП “Магілёўэнерга” за 11 месяцаў праверана 402 бытавыя абаненты. Па фактах парушэння правілаў электразабеспячэння складзена 53 акты: 49 — у дачыненні юрыдычных асоб, 4 — бытавых спажыўцоў. Да адміністрацыйнай адказнасці прыцягнута 22 бытавыя абаненты і 16 службовых асоб.

Народны ансамбль эстраднага танца “Капрыз” I ўзорны ансамбль танца “АсарцI” райцэнтра культуры I адпачынку сталі ўдзельнікамі II-га міжнароднага конкурсу сучаснай харэаграфіі “Звездочки”, што прайшоў у Мінску. Танец “Жывы капялюш” у выкананні самых маленькіх артыстаў журы адзначыла дыпломам III ступені, а кампазіцыя “Капрыза” з красамоўнай назвай “Толькі наперад!” заслужыла спецыяльны прыз — за згуртаванасць і камандны дух.

У ЛIпенскIм сельсавеце днямі прайшоў сход, на якім жыхары аграгарадка абмяркоўвалі неабходнасць падвядзення водаправодных сетак да вуліц Рымы Кунько, Савецкая і Рачная. Як паведамілі ў ДУКВП “Водаканал”, тэхнічная магчымасць для пракладкі водапровада ёсць, але жадаючым мець “ваду ў хаце” давядзецца выкарыстоўваць уласныя сродкі.

За студзень-лIстапад у параўнанні з аналагічным леташнім перыядам колькасць няшчасных выпадкаў на вытворчасці вырасла з 7 да 11,          3 чалавекі атрымалі цяжкія траўмы. Трыма мабільнымі групамі, у складзе якіх прадстаўнікі райвыканкама, Дэпартамента дзяржінспекцыі працы, тэхна- і энерганагляду, райЦГЭ, МНС, пракуратуры, наведана 105 арганізацый і выяўлена 2.222 парушэнні заканадаўства аб ахове працы.

У жыхароў ПратасевIч, ЯлIзава, СвIслачы I Краснага будзе магчымасць правесці надыходзячы уік-энд прыемна і з карысцю: работнікі сельскіх Дамоў культуры падрыхтавалі для землякоў гульнявыя праграмы, гульню-спаборніцтва і тэматычную дыскатэку.