Асіповічы: коратка аб розным
Спецыялісты ўпраўлення па працы, занятасці і сацыяльнай абароне насельніцтва райвыканкама на працягу жніўня-верасня займаліся выдачай матэрыяльнай дапамогі да вучэбнага года. Усяго яе атрымалі 459 сямей, у якіх 912 школьнікаў. У тым ліку мнагадзетных — 446 сямей, дзе выхоўваецца 868 дзяцей. Усяго выдадзена 429,3 млн рублёў.
Народны вакальны ансамбль «Журавушка» Сасноўскага сельскага клуба прыняў удзел у музычным фестывалі «Залаты шлягер». Адметна, што выступленне праходзіла ў дзень адкрыцця фэсту і супала з Міжнародным днём музыкі.
Работнікамі ДУКВП «Райсэрвіс» за 9 месяцаў адрамантавана шыфернага даху 1,7 тысячы, рулоннага — 8,3 тысячы квадратных метраў. Акрамя таго, замянілі пакрыццё 20 казыркоў, разабраліся са 150 м2 адмосткі і 20 балконамі.
11 банкаматаў «Беларусбанка» размешчана ў нашым раёне. Найбольшым попытам карыстаюцца тэрміналы, якія знаходзяцца на Са-цыялістычнай, у цэнтры банкаўскіх паслуг на вуліцы Сумчанкі і ў магазіне сеткі «Суседзі» на «баме». Яны ажыццяўляюць як выдачу наяўных грошай, так і безнаяўныя аперацыі. Апошніх, дарэчы, праве-дзена больш чым на 830 млн рублёў.
