Асіповічы: коратка аб розным
На рэгіянальных «Дажынках-2015», якія прайшлі 26 чысла ў Круглым, лепшых хлебаробаў вобласці ўшаноўвала і шматлікая творчая дэлегацыя нашага раёна. На каларытным падворку Асіповіччыны, які меў назву «Гарбузяны рай», выступілі работнікі ўстаноў культуры, асобныя ўдзельнікі мастацкай самадзейнасці, народныя і ўзорныя калектывы «Вязанка», «Сваякі», «Карытнянскія музыкі», «Васілінкі», «Вярба», «Парадиз». А майстры раённага цэнтра народных рамёстваў і дэкаратыўна-прыкладнога мастацтва прадставілі гаспадарам і гасцям свята вырабы з гліны, лазы і бяросты.
Раён цалкам гатовы да ацяпляльнага сезона. Як паведамілі ў УКП ЖКГ, да 20 верасня ў цепласетках заменена 5,1 км папярэднеізаляваных труб, пашпарты гатоўнасці атрымалі 36 кацельняў і 11 цэнтральных цеплапунктаў. У Жорнаўскай кацельні 3 састарэлыя катлы заменены сучаснымі энергаэфектыўнымі. Працягваюцца пачатыя ў маі будаўніча-мантажныя работы новай кацельні ў Ялізава, якая заменіць дзеючую, 1936 года пабудовы.
Раённы філіял КАУВП “Аблпаліва” дапамагае падрыхтавацца да халадоў уладальнікам прыватных дамоў, дзе выка-рыстоўваюцца цвёрдыя віды паліва. Насельніцтву рэалізавана ўжо 544 тоны брыкету і 392 кубаметры дроў. З 670 домаўладанняў цалкам забяспечаны палівам 280, прычым 50 з іх — па льготных цэнах. Арганізацыям раёна прададзена 182 тоны брыкету і 10 кубаметраў дроў.
137 грамадзян звярнулася з пачатку года ў сацыяльна-педагагічны цэнтр Асіповіцкага раёна. Асноўныя пытанні — наладжванне дзіцяча-бацькоўскіх адносін, вызначэнне месца пражывання дзіцяці ў выніку скасавання шлюбу паміж бацькамі, дыягностыка кандыдатаў ва ўсынавіцелі і прыёмныя бацькі.
