На базе Лапіцкай СШ — пераможцы раённага конкурсу на лепшую арганізацыю ідэалагічнай, прапагандысцкай і выхаваўчай работы за мінулы год — днямі прайшла планавая вучоба ідэалагічнага актыву раёна. Яна праводзілася для маладых ідэолагаў сістэмы адукацыі, у полі зроку якіх як дарослыя, так і падрастаючае пакаленне.

Прадпрымальніцтва як сферу дзейнасці абрала 291 асіпаўчанка, што складае амаль 37% ад агульнай колькасці бізнесменаў. У асноўным асобы слабага полу займаюцца рознічным гандлем, аднак сярод іх ёсць і тыя, хто прапаноўвае паслугі па рамонце кватэр.

Самы малады кіраўнік-жанчына — 22-гадовая Дар’я Кузьміна. Яна ўзначальвае філіял па Асіповіцкім раёне РУСВП “Магілёўскае дзяржплемпрадпрыемства”.

На Асіповіччыне пражывае 20 удзельніц Вялікай Айчыннай вайны, 2 з іх маюць воінскія званні старшых сяржантаў — Валянціна Гаўрылаўна Галынская і Маргарыта Iванаўна Батура. Ёсць сярод ваяваўшых зямлячак і ардэнаносец — Алена Пятроўна Бусель. Работніц тылу 10 чалавек, адна блакадніца і 108 жанчын — вязні фашысцкіх засценкаў.

Напярэдадні свята 8 сакавіка тры прадстаўніцы Асіповіччыны ўдастоены ордэна Маці — Наталля Кавальчук, Марына Мельнік і Алена Багдановіч.

У спісачным складзе работнікаў аддзела адукацыі, спорту і турызму райвыканкама налічваецца каля 1.700 жанчын. Усяго ж тут працуюць 2.142 чалавекі.

У склад ГА “Беларускі саюз жанчын”, па словах старшыні Вольгі Карчэўскай, уваходзяць 577 чалавек з 18 пярвічных арганізацый і прадпрыемстваў. Гэта самае масавае жаночае грамадскае фарміраванне. Сярод актывістаў — былы старшыня “пярвічкі” завода аўтаагрэгатаў Людміла Ніцкая, узначальваючая настаўніцкую жаночую суполку Таццяна Ермакова, сакратар ГА “БСЖ” Таццяна Ерко.

У асіповіцкім гарнізоне нараўне з мужчынамі нясуць воінскую службу і жанчыны. Некаторыя з іх маюць афіцэрскія званні. I самае высокае — падпалкоўнік — у начальніка медслужбы 51 гвардзейскай артылерыйскай брыгады Ангеліны Саўрыцкай. Маёры Таццяна Слуцкая і Зоя Навасёлава служаць у в/ч 61732 і 12180 адпаведна. За імі ў табелі аб рангах размясцілася старшы лейтэнант Алена Кноблах з Лапіч.

У Магілёўскай вобласці да адзінай разліковай і інфармацыйнай прасторы (АРIП) падключаны паслугі па лініі грамадзянства і міграцыі. Плацяжы за адміністрацыйныя працэдуры і паслугі АГіМ можна аплаціць і з выкарыстаннем інфакіёскаў, інтэрнэт- і мабільнага банкінгаў.