«Людзі — не анёлы». З такой шматзначнай назвай выйшаў у свет доўгачаканы зборнік гумарыстычных і не толькі вершаў і апавяданняў вядомага асіповіцкага аўтара Анатоля Тамашэўскага. Дарэчы, гэта ўжо другая кніга земляка.

У сценах клуба «Дэбют» гульні ў шахматы вучыцца больш за 40 будучых чэмпіёнаў, а шашкамі займаюцца 15 хлопчыкаў і дзяўчынак. На жаль, тут няма яшчэ магутных уласных камп’ютараў, але трэнеры адшукваюць магчымасць прымяняць у навучанні новыя тэхналогіі — з дзецьмі займаюцца ў камп’ютарным класе гімназіі.

У 465-ю ракетную брыгаду прыйшло папаўненне — больш за сто юнакоў. 9 з іх — ураджэнцы нашага раёна.

У аддзеле працы і занятасці райвыканкама на сёння зарэгістравана 79 беспрацоўных. Для працаўладкавання ім прапануюць 287 вакансій, з якіх 268 — па рабочых спецыяльнасцях.

73 пакоі інтэрната ДУКВП «Райсэрвіс», што знаходзіцца на вуліцы Дзмітрыева, разлічаны на 146 месцаў. Зараз тут пражывае 140 чалавек, у тым ліку 44 сямейныя пары.

У мясцовым каледжы вучыцца 318 юнакоў і дзяўчат, прычым сярэднюю спецыяльную адукацыю тут атрымліваюць 37 чалавек, 12 з якіх выбралі завочную форму навучання. У вучэбна-вытворчым камбінаце пры каледжы першай прафесіяй авалодваюць 134 школьнікі з горада і раёна.

Калектыў выпраўленчай установы адкрытага тыпу № 48 дапамагае вярнуцца на верны жыццёвы шлях 71 асуджанай жанчыне.

Iмкненне аднавяскоўцаў да здаровага ладу жыцця дзейсна падтрымалі ў Дрычынскіх сельсавеце і школе: двойчы на тыдзень школьны спартзал адкрыты для дарослых, жадаючых актыўна правесці вольны час. Баскетбольныя і футбольныя каманды, якія складаюцца ў асноўным з работнікаў калгаса і лясніцтва, зараз рэгулярна збіраюцца тут для правядзення сяброўскіх матчаў.