У раённым Цэнтры сацабслугоўвання насельнIцтва ў рамках правядзення псіхалагічнага кансультавання для ветэранаў установы аховы здароўя быў праведзены трэнінг “Зняцце эмацыйнага напружання ў групе”.

У сталIцы днямі прайшоў Калядны Кубак Беларусі па таэквандо. Юныя спартсмены Асіповіччыны заваявалі ў ім 3 першых, 6 другіх і 9 трэціх месцаў.

ШчаслIвы шанц выпаў настаўніцы з Вязаўніцы Вользе Куцік, якая не першы год спаборнічае са знаўцамі гульні “Што? Дзе? Калі?”. Падчас нядаўняга прамога тэлеэфіру з 86117 пытанняў тэлегледачоў камп’ютар выбраў яе пытанне. Адказалі на яго ігракі з дапамогай клуба, што і дало магчымасць выйграць зямлячцы 1,5 тысячы долараў ЗША.

ДТСААФ вобласцI падвяло вынікі спартыўнага сезона. У намінацыі “Лепшы спартсмен-2018” перамог зямляк — неаднаразовы прызёр чэмпіянатаў і Кубкаў краіны па матацыклетным кросе Раман Шачок.

АсIповIцкая бIблIятэчная сетка да 100-годдзя БССР падрыхтавала тэматычныя выставы, дзе наведвальнікі могуць пазнаёміцца са старонкамі гісторыі рэспублікі. Таксама праходзяць інфармацыйныя гадзіны, завочныя падарожжы.

“ДзецI I бяспека” — такую назву маюць прысвечаныя зімовым канікулам прафілактычныя мерапрыемствы, што праводзяцца па 7 студзеня на чыгунцы. Як паведамілі ў дыстанцыі пуці, пэўную пагрозу ствараюць зараз пагодныя ўмовы, знаходжанне непаўналетніх у навушніках і карыстанне мабільнымі тэлефонамі ў зоне павышанай небяспекі.