У аздараўленча-спартыўным комплексе “Мускул” ФСК “Алімпія” можна ўзяць напракат канькі ад 33 да 45 памеру ўключна. Адначасова “абуцца” можа да 20 чалавек. Арэнда каштуе 3 рублі за гадзіну. Пракат працуе ў рабочыя дні з 8 да 22 гадзін, у суботу — з 8 да 18. Але трэба памятаць, што пакрыццё некаторых вадаёмаў даволі крохкае, таму лепш не рызыкаваць і катацца толькі там, дзе лёд трывалы.

Выканкамам Ясенскага сельсавета за мінулы год здзейснена 618 адміністрацыйных працэдур. Выдадзена 421 даведка, у тым ліку 48 — аб месцы жыхарства і знаходжання, 16 — аб рэгістрацыі дагавору найма жылога памяшкання, 2 — аб пастаноўцы на ўлік маючых патрэбу ў паляпшэнні жыллёвых умоў. Аглядавай камісіяй летась абследавана 428 домаўладанняў, з іх 295 — пажылых людзей, якія пражываюць адзінока, 13 — шматдзетных сямей, 48 — якія выхоўваюць дзяцей ад 3 да 14 гадоў, 22 — з малымі да 3 гадоў, 2 сям’і, якія знаходзяцца ў сацыяльна небяспечным становішчы. З 570 грамадзянамі праведзены інструктаж па правілах пажарнай бяспекі.

У кіёсках “Белсаюздруку” з’явіліся тэматычныя куткі “Сад, агарод”, у якіх прапаноўваецца сезонная літаратура, а таксама больш за 100 відаў насення агародніны, кветак, зеляніны. Навінка сезона — глебавыя грунты для розных культур.

Аптэчная сетка Асіповіччыны прадстаўлена 10 гандлёвымі кропкамі Магілёўскага РУП “Фармацыя”, з якіх на раёне працуе 4. Акрамя таго, функцыянуе 5 аптэк ТДА “ДКМ-ФАРМ”, 3 — ААТ “Доктор Время” і па адной — ТДА “Фарм-Продукт” і ААТ “Моя аптека”.

Работнікі Асіповіцкага лясгаса прыступілі да ўборкі соснаў, што засыхаюць, на тэрыторыі Лоеўскага раёна. Усяго работы вядуцца на тэрыторыі ў 30 га.

Праз станцыю Асіповічы на працягу сутак у сярэднім праходзіць 74 прыгарадныя і 45 пасажырскіх саставаў.

Збіраешся за мяжу? «Гарачая лінія» па пытаннях бяспечнага выезду ў іншыя краіны па нумары 113. Званок бясплатны, тэлефануйце!