Забарона на знаходжанне грамадзян на вадаёмах уведзена ў раёне ў сувязі з узрослай небяспекай у перыяд ледаставу (таўшчыня не дасягае 7 см) і разбурэння лёду.

На раённы конкурс прафесійнага майстэрства сярод працоўнай моладзі «Лідар XXI стагоддзя«, арганізаваны па ініцыятыве БРСМ і прысвечаны Году малой радзімы, сёння а 16 гадзіне запрашае Цэнтр культуры і адпачынку. На яго сцэне 8 маладых актывістаў прадставяць візітоўкі, відэаролікі, музычныя нумары.

На абласным этапе нацыянальнага конкурсу прыгажосці «Міс Беларусь», які адбудзецца ў Магілёве 26 студзеня, Асіповіччыну прадставяць Марына Бліннікава і Вераніка Максіменя.

Электронныя жыроўкі на Магілёўшчыне атрымліваюць ужо звыш 9 тыс. жыхароў, паведамляе сайт аблвыканкама. Ацанілі перавагі анлайн-паведамленняў аб аплаце ў тым ліку і жыхары нашага раёна — рассылаюцца 421 адрасату.

У заключным этапе рэспубліканскага конкурсу экалагічных праектаў “Зялёная школа” ў намінацыі “Зялёныя слядочкі” пераможцам стаў 10-класнік Каменіцкага ВПК дзіцячы сад-сярэдняя школа Міхаіл Шкурын (кіраўнік Ала Шалыпіна), у намінацыі “Моладзь за зялёную планету!” Дыплом II ступені атрымала Дар’я Чарткова з 11 класа СШ № 1 (кіраўнік Яўгенія Логвін).

Конкурс на самую бяспечную ёлачную цацку аб’явіла аблупраўленне МНС. Незвычайныя вырабы прымаюцца да 28 снежня па адрасе: г. Магілёў, зав. Пажарны, 6.