КАР

Кастынг абласнога этапу нацыянальнага конкурсу “Міс Беларусь” адбудзецца    11 снежня ў 18.00 у МПЦ “Равеснік”. Запрашаюцца дзяўчаты ад 18 да 24 гадоў з мадэльным знешнім выглядам, без татуіровак і пірсінгу, якія ніколі не знаходзіліся ў шлюбе і не маюць дзяцей.

Нацыянальны гістарычны музей краіны да 15 лютага прымае заяўкі на ўдзел у рэспубліканскім конкурсе “Нацыянальная прэмія ў вобласці выяўленчага мастацтва” ў 2019-2020 гадах.

На Асіповіччыне пражывае 8 удзельнікаў Вялікай Айчыннай вайны, 9 грамадзян, узнагароджаных ордэнамі і медалямі СССР за самаадданую працу і бездакорную воінскую службу ў тыле, 5 інвалідаў дзяцінства ў выніку баявых дзеянняў, 1 асіпаўчанін перажыў блакаду, а 71 чалавек у час вайны быў вязнем фашыстаў.

Навагоднія ёлкі можна набыць з 23 па 31 снежня на плошчы Леніна, каля гандлёвага комплексу “Сіці Мол”, у раёне гарадскога рынку, а таксама на тэрыторыі ўсіх лясніцтваў. Як і летась, плануецца рэалізаваць каля 1,5 тысячы дрэўцаў. Кошт яліны да 1 метра — 7 рублёў, ад 1 да 2 м — 9, ад 2 да 3 м — 19 руб. Будуць прапаноўвацца яшчэ сосны, дрэвы ў кадках і букеты з хвойных галінак.

У гаспадарчы абарот сёлета выяўлена і ўцягнута больш за  1170 га зямель, якія раней не выкарыстоўваліся або выкарыстоўваліся неэфектыўна: сельскіх населеных пунктаў — больш за 80, зямель сельгасарганізацый — больш за 1090 га.

Дзень посткросера праходзіць сёння ў краіне. У Асіпові-чах да яго далучылася аддзяленне сувязі № 5, дзе жадаючыя змогуць набыць і адправіць ва ўсе куткі свету паштовыя карткі. Калі іх будзе больш за 10, кліент атрымае зніжку 10%.