На мінулым тыдні супрацоўнікамі АДАІ РАУС папярэджана 180 правапарушэнняў, да адказнасці прыцягнуты два бяспраўнікі; па чатыры вадзіцелі, якія парушылі правілы абгону ці не прадаставілі перавагу ў руху пешаходу, тры — перавозкі дзяцей у аўтатранспарце, адзін — пераезду чыгункі; 18 пешаходаў і веласіпедыстаў, два з якіх былі ў стане алкагольнага ап’янення. Зарэгістравана чатыры ДТЗ.

Дзяржаўтаінспекцыя нагадвае: парушэнне вадзіцелем правілаў праезду чыгуначных пераездаў цягне адказнасць — штраф ад дзвюх да чатырох базавых велічынь.

Аддзелам Дэпартамента аховы выяўлены тры чалавекі, што здзейснілі дробныя крадзяжы, адзін — з’яўляўся ў нецвярозым стане ў грамадскім месцы.

Па інфармацыі РАНС, 28 студзеня ў выніку пажару знішчаны дах і маёмасць, пашкоджаны сцены і перакрыцце лазні на вул. Гродзенскай у аг. Лапічы. Прычына пажару высвятляецца.

МНС нагадвае: паміж паверхняй печы і драўлянымі канструкцыямі павінен заставацца прамежак, комін печы ў месцы праходу праз драўлянае перакрыцце — мець патаўшчэнне цаглянага муру, падлога пад топачнымі дзверцамі печы — абаронена негаручым матэрыялам.

ІАЖіРС складзены адміністрацыйны пратакол за парушэнне правіл лесакарыстання, два — рыбалоўства.