Наша прадукцыя — у ліку лепшай

Адразу па дзвюх пазіцыях прэстыжнага конкурсу “Лепшыя тавары Рэспублікі Беларусь 2013 года” стаў пераможцам ААТ “Асіповіцкі хлебазавод”.

У намінацыі “Прадуктовыя тавары” дыпломамі адзначаны хлеб “Пажытны з семачкамі” — подавы жытнёва-пшанічны хлеб з характэрным смакам і водарам заварных гатункаў і торт “Веста” — пачастунак з традыцыйным спалучэннем лёгкага бісквіту і прыемнага суфле з дабаўленнем сухафруктаў і арэхаў.

У намінацыі “Прадукцыя вытворча-тэхналагічнага прызначэння” адзначана заварка сухая аржаная комплексная “Каласок”, якая выкарыстоўваецца ў хлебапячэнні пры вытворчасці заварных гатункаў хлеба па паскоранай і менш працаёмкай тэхналогіі.

Так трымаць, паважаныя вытворцы!