Знаёмцеся:

кіраўнік СВК «Калгас імя Чарняхоўскага»

Віктар ЮДЗIН

Нарадзіўся ў 1987 годзе. Пасля вучобы ў СШ № 3 вырашыў звязаць жыццё з сельскай гаспадаркай. У 2009 годзе скончыў Клічаўскі дзяржаўны аграрна-тэхнічны каледж па спецыяльнасці “тэхнічнае забеспячэнне працэсаў сельскагаспадарчай вытворчасці” і быў размеркаваны на Асіповіччыну. На працягу пяці гадоў займаў пасады інжынера па эксплуатацыі машынна-трактарнага парка, галоўнага інжынера СВК “Калгас “Карытнае”. Зарэкамендаваў сябе як дасведчаны і адказны спецыяліст. Сумяшчаў работу з завочнай вучобай у Беларускай дзяржаўнай сельскагаспадарчай акадэміі па раней абранай тэхнічнай спецыяльнасці і хутка павінен атрымаць дыплом аб вышэйшай адукацыі.

Галоўнай рысай у рабоце і наогул ва ўсім лічыць аптымізм: калі маеш такое стаўленне, тады ўсё атрымліваецца. На перспектывы ўзначальваемай гаспадаркі малады кіраўнік таксама глядзіць з пазітывам: людзі руплівыя, забяспечанасць кадрамі амаль поўная, так што працаваць ёсць з кім. У планах — павялічыць пагалоўе буйной рагатай жывёлы, заняцца мясным накірункам — адкормам бычкоў.

Жанаты. Жонка Вольга Аляксандраўна працуе лабарантам-біяхімікам-таксіколагам у райветстанцыі, таму сельскагаспадарчыя праблемы ёй таксама добра знаёмы.

У свабодныя хвіліны Віктар Юр’евіч любіць чытаць розную літаратуру, аддаючы перавагу тэхнічнай. З задавальненнем праводзіць час і на ўлонні прыроды.