Знаёмцеся:

старшыня Ялізаўскага сельскага выканаўчага камітэта

Аляксандр Ждановіч

Нарадзіўся ў 1975 годзе ў Ялізаве. Пасля заканчэння мясцовай школы праходзіў службу ва Узброеных Сілах, потым быў курсантам Акадэміі Міністэрства ўнутраных спраў Рэспублікі Беларусь. З 1997 года да нядаўняга часу Аляксандр Віктаравіч служыў у праваахоўных органах, у тым ліку са студзеня 2013 года па красавік 2014 — следчым па асоба важных справах першага следчага аддзялення Асіповіцкага раённага аддзела Следчага камітэта Рэспублікі Беларусь.

Работа з людзьмі для Ждановіча не новая, таму ён умее знаходзіць патрэбны падыход да кожнага. Так як Ялізава — родны населены пункт, добраўпарадкаванне рабочага пасёлка і захаванне рознабакова спрыяльнай абстаноўкі ў ім складаюць асаблівы клопат новага старшыні. У планах — дзейнасць па далейшым павышэнні іміджу Ялізава.

У людзях цэніць у першую чаргу прыстойнасць і адкрытасць. Да важных якасцей адносіць мэтанакіраванасць: каб рухацца наперад, трэба пастаянна перад сабою ставіць задачы і вырашаць іх.

Галоўнай каштоўнасцю ў жыцці Ждановіч лічыць сям’ю — месца, дзе заўсёды адчувае падтрымку і разуменне. Аляксандр Віктаравіч з жонкай Iрынай Аляксандраўнай выхоўваюць дачку і сына. Свабодны час звычайна аддае добраўпарадкаванню новага дома. Любіць у вольную хвіліну праехацца ў кампаніі аднадумцаў-аматараў матацыклаў на хуткім байку.