Падпалкоўнік міліцыі Таццяна Роўбель атрымала медаль «За адзнаку ў ахове грамадскага правапарадку»
22 мая 2017 8:22
Урачысты рытуал узнагароджання супрацоўнікаў органаў унутраных спраў дзяржаўнымі ўзнагародамі прайшоў у зале Перамогі Беларускага дзяржаўнага музея гісторыі Вялікай Айчыннай вайны. Усяго медалі атрымалі 45 праваахоўнікаў, якія доблесна выконваюць свае службовыя абавязкі. Сярод іх — намеснік начальніка АУСТ па ідэалагічнай рабоце і кадравым забеспячэнні падпалкоўнік міліцыі Таццяна Роўбель. Медаль «За адзнаку ў ахове грамадскага правапарадку» ёй уручыў Міністр унутраных спраў генерал-лейтэнант міліцыі Iгар Шуневіч.
